Bennie Roux, ’n ultramarathonatleet, gaan op 14 Maart 2020 by Eagle Falls Lodge & Adventures (Google Maps: Eagle Falls Lodge & Adventures) hardloop en fietsry om geld vir AfriForum se Trauma-ondersteuningseenheid in te samel.
Dié eenheid wend hierdie geld aan om slagoffers van plaasaanvalle en geweldsmisdaad te ondersteun.
Bennie en ander atlete gaan die dag sowat 200 km aflê en wil graag hê plaaslike atlete en fietsryers moet saam met hom deelneem. Hulle hoef ook nie die volle 200 km af te lê nie.
Daar gaan heerlike kosstalletjies, asook ’n biertent beskikbaar wees. Gesinne is welkom om saam deel te neem of hul geliefdes te ondersteun.
Lees meer oor vanjaar se veldtog hier: https://www.afriforum.co.za/hardloopvirhoop/
En oor 2019 se veldtog hier: https://www.afriforum.co.za/hardloopvirhoop-bennie-roux-sluit-suksesvol-sy-wedloop-af/
